ri-Marko-j • re-Mark-s • Marka-ntnosti - Day

9:33PM - Flavio Rebelo uzis la vorton "subtekstoj"

Mi rekomendas ke vi legu la sekvan iom longan, sed pensigan artikolon de Flavio Rebelo (estro de Ĝangalo kaj Internacia Televido). Laŭ mi ĝu multajn trafajn, gravajn kaj seriozajn informojn donas pri nuntempa Esperant(i)o ĝenerale:
http://gxangalo.com/modules/kolumnoj/article.php?artID=58

Por mi krome rimarkindas kaj ĝojigas, ke ie ene de la teksto Flavio, parolante pri ITV, uzis la vortojn "antaŭfilmoj kun esperantaj subtekstoj" (anstataŭ la aĉa "subtitoloj" - vidu ĉi tie por klarigoj). Mi ne sekvas regule la televidon por scii, ĉu la samo efektive uzatas ankaŭ en la elsendoj, tamen.

Sed povas esti, ke mia foja retpoŝta instigo pri la afero al Flavio, kiun mi jam opiniis neatinginta sian adresaton, tamen eble iel influis... Kiu konas min, povas imagi, ke mi ĝojas eksciinte ke iu agnoskis la pravecon de iu el la kelkaj lingvaĵoj, por kiuj mi emas "pacbataladi" inter esperantistoj :)

Current mood: happy

Current music: Dolĉamar - Junaj idealistoj